Zeller Weisheit
23 Sätze im Pinzgauer Dialekt, aufgeschrieben wie gehört – zwischen 2011 und 2012.
“Wonnst an Kaffäh gengan Duscht trinkst, offt moggst glei an Schnopps gengas Kreizweh trinkn!”
“Wonns schütt und schneibb und d’Sunn scheit z’gleich, nochand is entweda Aprüh, oda da Heagoud houd hoid amoi an Vogl!”
“Z’Ostan moggst Easchtkasei brockn geh, wonnst a recht a waxa Hund bist und da nix scheißt! Owa loss di jo nid dawischn!”
“De Muhnbuhts vo de Hollända sann a so grouß, wei de Gibbshaxn in d’Schuach eichipassn miassn!”
“Friara hod ma gsogg, dasam Montoug Gnedltoug is. Heitzatougs kimmb ma fieh, da Montoug is ehanta Kähwapptoug!”
“Wonns im Novemba no nid schneibb, nochand schneibbs vielleicht im Dezemba!”
“Wonnst da bam Trinkn bam auffizöhn schwaa tuast, muasst hoit vuahea scho wissn, wüvü dassd saufst, nocha kohst vo do weg ochazöhn!”
“Bei dem Essn, wos de Amerighana mea aufwaama als kochn, miassatst de gonze Zeit an Schnopps trinkn, dass d’es dabloust. Owa weis Schnopps a koan gscheidn homm, duast es oft doo nid!”
“Wos brauch i an Huastnsouft, der wos noch Schnopps schmeckt? Do ko i glei an Schnopps saffn, do houd d’Lähwa a no wos davoo!”
“Wonnst Ofong Juli oiwei no nid bohn geeh moggst, oft weaschd des koa gscheida Summa nid! Oda a bsundass hoassa, so gwies ko ma des a nid sogn.”
“Wonnst recht fü gwondat bist und da d’Haxn weh tann, hüft da oiwei a Fronzbronntwei oda a Manggeisoim!”
“Bittsche gou schee – schneid eam d’Hou schee! Kimmb a eh scho awiarasoa Fock daher.”
“Keirascht weaschd nua in da Zwischnsaisonn, wei wonns Haus foi Leit is, host a fia des eh koa Zeit nid und a koan Plootz fia d’Hochzeitsgeest!”
“Wo is da Dings zan … woast scho … der Nou zan dings …. Roa heing. Da Rechn! An Rechn moa i. Wo is oft da Rechn?”
“Wonnst auf d’Nocht in da woamen Luft nemman Bouch de Hoiastaun riachst, woast, dass da Summa neama weit is!”
“Wonn da nochn Fuatgeh no muads schlächt is, nocha woa wascheinlich as letzte Bia grausig!”
“Wonns da bei ins nid taugg, nocha foast hoid noch Italien. Owa reg di jo nid auf, wonns doscht recht toia is!”
“Wea umma hoiwa siemi scho auf is, braucht si nid wundann, wonna si umma hoiwi öfi scho wieda hieleng muas!”
“Wonnst recht long untawegs woast, schaust zann Flames am Bonnhoof, wei do gibbs oiwei no a Kebab odara Pizza, wos an Alk aufsaugg.”
“Am Koafreitog isst ma koa Lewakaassemmi. Des g’heat si owa scho üwahaubb nid!”
“Z’Ostan is a oiwei no schee auf da Schmittn. Muasst hoit gonz in da Friah geh, wei nochand wirds oft boid scho batzig.”
“Wonns am Hundtstoa scho zuaziagg, nochand weaschts neama long dauan biss a in Zöi renng!”
“Wonns vo da Schmittn a gou a so schwoschz owaschaut, moggst dein Beagjanka glei wieda inn’d’ Truchn eichirama, wei den brauchst heid neama!”